“Action speaks louder than words.”
Ito ang sinasabi ng KathNiel fans tungkol sa pagiging mas malapit ngayon ng Kapamilya love team na sina Kathryn Bernardo at Daniel Padilla.
Patunay umano nito ay ang ilang video na kumalat sa social media kamakailan, kung saan makikitang hinalikan ni Kathryn sa pisngi si Daniel matapos ang basketball game na sinalihan ng young actor.
Makikita rin sa iba pang videos ang tila hango sa eksena sa dating pelikula nilang She's Dating the Gangster, kung saan naging cheerleader si Kathryn sa basketball game ni Daniel.
Hanggang ngayon ay wala pang direktang pag-amin sina Kathryn at Daniel tungkol sa tunay na estado ng kanilang relasyon.
Ngunit sa panayam sa kanilang dalawa ni Boy Abunda sa Tonight With Boy Abunda, sinabi ni Daniel na, “Sa tagal na naming magkasama, ang maganda po, e, mas naggo-grow kami.”
Gayunman, hindi direktang sinagot ng Kapamilya love team ang tanong ni Boy na “What's keeping you from saying 'yes, we are a couple'?”