Humihingi ng hustisya ang Superstar na si Nora Aunor para sa mga nasawi, nasugatan, at nasaktang mga magsasaka sa madugong dispersal ng kanilang ginawang rally sa Kidapawan, North Cotabato, noong April 1.
Sa isang Instagram video na ibinahagi ng YouTube sensation na si Sebastion Castro, sinabi ni Nora na nalulungkot siya sa marahas na sinapit ng mga kapatid natin sa Mindanao, na ang tanging nais lamang ay makahingi ng bigas mula sa gobyerno.
Ayon kay Nora, “Nalulungkot ho ako na marinig ang mga nangyari sa mga farmers.
“Sana ho magkaroon ng justice yung ginawa sa kanila.
“Lalo na sa ating gobyerno, sana hindi nila balewalain kung ano man ang nangyari sa mga farmers.”
#BIGASHINDIBALA. Sumama na rin sa panawagang ‘bigas, hindi bala’ ang iba pang mga celebrity.
Sa pamamagitan ng Instagram at Twitter, nagbahagi sila ng kanilang damdamin tungkol sa madugong engkuwentro ng mga pulis at mga gutom na magsasaka.
Narito ang kanilang posts:
Another day for all to bring attention and fair justice to #BigasHindiBala.
— Bianca Gonzalez (@iamsuperbianca) April 3, 2016