Nagkaroon ng pagkakataong makasama ni Aiko Melendez, 40, ang ex-husband niyang si Jomari Yllana, 40.
Linggo ng gabi, Oktubre 2, nang ibahagi ni Aiko ang larawan nila ni Jomari at anak nilang si Andre.
Kasama rin nila si Marthena Jickain, anak ni Aiko sa ikalawa niyang ex-husband na si Martin Jickain.
Sabi ni Aiko sa caption: “@jomariyllana @andreyllana @jickainmarthena and I :) That moment when you just needed to talk :)”
Matatandaang tatlong taong nagsama bilang mag-asawa sina Aiko at Jomari, hanggang sa nagkahiwalay sila noong 2003.
Sa ngayon, nananatiling mabuting magkaibigan ang dalawa.
Walang nababalita tungkol sa love life ngayon ni Jomari, ngunit si Aiko ay nauugnay ngayon sa Persian businessman na si Shahin Alimirzapour.
Ngunit inamin ni Shahin sa exclusive interview niya sa PEP na 'naka-break' ang relasyon nila ng aktres sa kasalukuyan.
Read: Aiko Melendez's Persian boyfriend clarifies rumored breakup: 'We are just taking a break.'