Ngayong Linggo, August 8, sundan ang nakakakilig na tagpo sa makulit na pag-iibigan nina Sarah Lahbati, Steven Silva, Diva Montelaba at Enzo Pineda sa Part 3 episode ng Lovebug presents "Exchange of Hearts."
Sa pagpapatuloy ng kuwento, nagkailangan na si Tim (Steven) at Rachel (Sarah) dahil sa nangyaring halikan nila. Umiiwas na si Rachel pero kahit na iniiwasan niya si Tim ay lagi pa rin niyang naiisip ito at hindi ang kanyang boyfriend na si Emil (Enzo). Hindi naman masabi ni Tim kay Rachel ang totoo na sinet-up lang talaga siya ni Fina (Angelu de Leon) para makalimutan ni Rachel ang boyfriend niya.
Samantala, galit naman si Barbie (Diva) kay Emil sa nalaman niyang pera lang pala ang habol ni Emil kay Rachel. Mas nalaman ni Barbie ang dahilan ng pagiging jaded ni Emil sa pag-ibig kaya't mas nakilala pa niya ito. Hindi rin maiwasang maging close at magkaroon ng awkward moments ang dalawa. Natuto ring ma-appreciate ni Emil ang ganda ni Barbie.
Isang araw ay nagkita rin ang apat. Nagalit si Fina nang nalaman niyang nagkasama na si Emil at Rachel muli. Nagdesisyon ang dalawa na magtanan na lang sila. Tinulungan ni Tim si Emil at Rachel para may matuluyan sila. Sa pag-iisa ni Rachel, inamin ni Tim na-in love na nga siya sa babae. Narinig iyon ni Emil at nauwi sa suntukan ang dalawa.
Paano haharapin nila Rachel at Tim ang pag-ibig nila sa isa't isa? Matuloy kaya ang pagbabalikan nina Rachel at Emil?
Sundan ang ikatlong yugto ng Lovebug presents "Exchange of Hearts" ngayong Linggo, August 8, pagkatapos ng Party Pilipinas sa GMA-7.