Ikinadismaya ng maraming Pilipino ang hindi pagkapasok ng pambato nating si Maxine Medina sa Top Three ng 65th Miss Universe.
Umaasa ang marami sa ating mga kababayan na makapasok si Maxine sa Top 3, matapos niyang makaabot sa Top Six, para sa pagkakataong makapag-back to back win ang Pilipinas sa Miss Universe crown.
Ngunit kuntento naman daw ang kandidata ng Pilipinas na nakapasok siya sa Top Six.
Ayon sa ulat ni Maki Pulido para sa Balitanghali ng GMA News TV ngayong tanghali, January 30, hindi disappointed si Maxine sa kanyang naabot.
Masaya raw siya at nakaabot sa Top Six sa pinakaprestihiyosong beauty pageant sa mundo.
Sinabi rin daw ni Maxine na mahirap talaga ang back-to-back win sa Miss Universe.
Ang kinoronahang Miss Universe 2016 ay si Iris Mittenaere ng France.