Naikuwento ni Kathryn Bernardo, 22, na minsan nang may nanghula sa kanyang mabubuntis siya nang hindi pa kasal.
Ngunit hindi raw siya nag-alala dahil hindi siya naniniwala sa hula.
Pahayag ni Kathryn, “Like, last, last year, may prediction mabubuntis ako. So lahat naprapraning. Parang ‘Chill, guys.’
“Di ba, parang ayaw kong ikaw yung nagse-set ng future ko.”
Base ito sa cover story ng YES! Magazine April 2018 issue, kung saan kasama niya sa cover ang reel-and-real-life sweetheart na si Daniel Padilla.
Ayon kay Kathryn, hindi talaga siya sumasama sa kanyang ina na si Min Bernardo kapag may mga pagkakataong nagpapahula ito.
“Si Mama, nagpapahula, pero pag ‘sinasama niya ako, ayoko parati. Kasi feeling ko, the more na isipin mo, ‘yon at 'yon ang mangyayari.”
Ano ang paborito niyang childhood memory? May regrets ba siya sa kanyang high-school life? Bakit mas gusto niyang si Daniel ang nagtatanggal ng kuko niya sa kamay?
Alamin ang iba pang nakakatuwang kuwento nina Kathryn at Daniel sa YES! Magazine April 2018.