Sinagot na ni Aubrey Miles ang tanong marahil ng karamihan tungkol sa panibagong nude photos nila ng kanyang longtime partner na si Troy Montero.
Muling naging usap-usapan ang celebrity couple dahil sa pagpu-post nila sa Instagram ng kanilang nude photos, na kuha sa isla ng Coron, Palawan.
Bagamat may ilang nagustuhan ang mga post na ito nina Aubrey at Troy, mayroon ding pumupuna sa kanilang ginawa.
Isa na rito ang nakababatang kapatid ni Troy na si KC Montero, na nag-post ng katawa-tawang edited video para ipakita ang kanyang tila pagkontra sa ginawa ng dalawa.
Sa caption, sinabi pa ni KC, "Mom, please scold your son."
Kasama raw kasi nina Aubrey at Troy sa naturang bakasyon ang ina ng Fil-Am actor.
Sa phone interview ng GMA News kay Aubrey, dinepensahan nito ang ginawa nila ni Troy.
Sabi ng sexy actress, "Sinasabi nila, 'Why do you have to post?'
"Sinasabi ko, 'Well, because we can.'"
Diin pa ni Aubrey, "We're old enough for an adult na kung ano ang gusto namin i-post, at saka we actually do this every time we travel."
Tiniyak din niyang tuwing gagawin nila ito ni Troy, walang ibang tao sa lugar.
"Wala namang bawal na unless binastos mo yung tao dito or na may mga ibang tao," katuwiran ni Aubrey.