Nagluluksa ang pamilya ni Aga Muhlach dahil sa pagpanaw ng kanyang 74-year-old father na si Alvaro "Cheng" Muhlach.
Isinugod si Cheng sa St.Luke's Medical Center nang magkaroon siya ng cardiac arrest kahapon, May 11.
Sumakabilang-buhay si Cheng ngayong madaling-araw ng Sabado, May 12, habang natutulog siya sa kanyang hospital room.
Napagkasunduan ng buong pamilya na iburol ang labi niya sa Heritage Park sa Taguig City.
Si Cheng ang nakababatang kapatid ng former movie queen na si Amalia Fuentes.
Sinubukan din niyang mag-artista noong dekada '70.
Ang Heredera at Durugin ang Mga Diyablo sa Punta Fuego ang ilan sa mga pelikulang ginawa niya noon.
Naulila ni Cheng ang kanyang mga anak na sina Aga, Arlene, Albert, Aaron, Almira, AJ, at Andrew.
Cheng Muhlach with son Andrew Muhlach