Isang malungkot na mensahe ang ipinost ni Pokwang sa kanyang Twitter account ngayong araw, May 22.
Ito ay patungkol sa diumano'y “humaharang” sa kanyang pagbabalik-trabaho.
Aniya, “Gusto ko lang naman maghanap buhay ng marangal, at bilang nais ko lang din magbalik hanap buhay para sa mga anak ko, bakit parang may humaharang?
“Inaano ko ba kayo? Kaka lungkot naman.”
Walang sinumang binanggit si Pokwang sa kanyang post.
gusto ko lang naman mag hanap buhay ng marangal, at bilang nais ko lang din magbalik hanap buhay para sa mga anak ko, bakit parang may humaharang? ina ano ko ba kayo? kaka lungkot naman ??
— marietta subong (@pokwang27) May 22, 2018
Gayunman, nagpaabot ng mensahe ng pagsuporta para sa comedienne ang ilang fans, na nagpayong huwag na lamang niyang pansinin ito.
Ipag pray nyo nalang po ang mga ganyan klase tao. Ang isipin nyo nalang po ang mga anak nyo at marami nagmamahal sa inyo. Wag nyo na po masyado iniisip yan ma-stress Lang beauty po yan????
— princes grace moreno (@princesgracemo3) May 22, 2018
Wag mo nang pansinin
— Boom(Chichi) (@berlinmatol) May 22, 2018
ang ibang tao.
Focus ka po sa life mo.
May mga nilalang sa mundo na ganyang ang ugali.. alam ko malines ang puso mo kaya blessed ka ni lord sa lahat ng bagay.. tignan mo na lang si malia everyday para hindi ka ma ines sa mga talangkang utak.. ??????????
— aek dela cruz (@DiDi023) May 22, 2018
Huwag nyo na lang po pansinin ang mga ganoon. Gawin nyo na lang po ang bagay na gusto ninyo para sa pamilya ninyo at marami naman po ang nakakaalam na mabuti ang intensiyon at ginagawa ninyo.
— Annaliza Calderero (@carlakim09) May 22, 2018
Noong May 12, naging tampok si Pokwang sa Mother's Day episode ng drama anthology na Maalaala Mo Kaya.
Ito ang una niyang proyekto matapos ang mahabang bakasyon mula sa showbiz.
Nagpahinga si Pokwang dahil sa pagbubuntis niya sa unang anak nila ng boyfriend na si Lee O'Brien, si Malia.
Si Malia ang ikalawang anak na babae ni Pokwang. Ang kanyang panganay ay si Ria Mae.