Idinaan sa biro ni Drew Arellano ang tanong ng press kung gusto rin ba niyang umarte sa isang pelikula katulad ng kaibigang brodkaster na si Atom Araullo.
Natatawang sabi niya, “Alam mo, gusto ko nga, e, para magkaroon ako ng comments sa mga director!"
Nabalot naman ng malakas na halakhakan ang venue ng presscon bago nagpatuloy si Drew sa kanyang sagot.
Dagdag ng mister ni Iya Villania, “Pero ang pinakagusto ko talaga, na matagal ko na sinasabi sa asawa ko, matagal na, dahil ako palaging host, host, host, sabi ko gusto ko naman magkaroon ng kissing scene... sa kanya… with her.
“Kidding aside, no. Probably, I don't think they'll like me.
"Even though they would want me to be part of a film, it's probably not gonna happen.
"I'm not sure if I can act."
Bago nakilala bilang travel show host, nagkaroon na rin ng ilang acting projects si Drew.
Kabilang na rito ang youth-oriented series na Click, kung saan sila nagkasama ni Iya, at mga pelikulang My First Romance (2003) at Spirit of the Glass (2004).
Kasunod nito, binigyang diin ni Drew na wala talaga siyang masasabi tungkol sa alitan nina Direk Mike at Atom dahil hindi niya nasundan ang istorya.
“So, I have no comment coz I really don’t know the real story.”
Usap-usapan sa apat na sulok ng showbiz ang patutsadahan nina Direk Mike at Atom tungkol sa pelikula nilang Citizen Jake.
Nakausap ng PEP.ph (Philippine Entertainment Portal) si Drew, kasama ang asawa nitong si Iya, sa launching ng Season 4 ng Home Foodie, sa GMA Network Center, kahapon, June 4.
Sa June 11 na muling mapapanood sa Kapuso Network ang cooking show na ito pagkatapos ng Unang Hirit.
Bukod sa mag-asawa, makakasama rin nila bilang hosts ang chefs mula sa San Miguel Foods Culinary Center na sina Llena Tan-Arcenas, Martin Narisma, at John Valley.