Sumagot sina Elmo Magalona, Kiko Estrada, Donny Pangilinan, at Jerome Ponce nang tanungin sila kung ano ang advice ng kanilang mga magulang sa kanila pagdating sa pre-marital sex.
Isa-isang sumagot ang mga binata sa press conference ng Walwal, ang kanilang upcoming movie mula sa Regal Films, Inc, na ginanap sa 38 Valencia Events Place sa Quezon City, Martes, June 5.
“Naaalala ko ang sinabi sa akin ng nanay ko, 'Ikandado mo ang zipper mo,' eksena yon sa movie,” sagot ni Kiko, 23, anak nina Gary Estrada at Cheska Diaz.
Sabi naman ni Elmo, pahapyaw itong ipinaalala ng kanyang ina, si Pia Magalona.
Si Elmo, 24, ay anak ni Pia sa yumaong si Pinoy King of Rap na si Francis Magalona.
“It’s the same din na my parents naman, hindi naman ginawang it’s a serious na ganito tayo.
“Dumating kami sa point na rightful age na when I turned 18, sinabi sa amin, ‘You always be safe.’ Ganyan lang.
“It was never really sobrang tense na usapan. They implied sa amin na what we need to do para maging responsible.”
Dagdag ni Elmo, napag-aralan din daw ito sa school.
Paliwanag naman ni Jerome, 23, “Papa ko, kasi siya parang wala siyang advice sa akin pagdating sa ganyan.
“Ako naman kasi, hindi ko kailangang magtanong, hindi rin ako humingi ng tanong kasi hindi ko pinapasok ang mga ganyang bagay na… ibig kong sabihin, [hindi ko kailangang] alamin o pag-aralan o ano, if it comes, it comes.
“Safety, syempre nag-aaral tayo, education nga naman. Alam natin yan.
“Safety lang po, yon.
“Ako, hindi kailangan ang tulong ni Papa, ni Mama. Sa school [itinuturo].”
Si Jerome ay anak ng dating action star na si Jessie Delgado.
Ayon naman kay Donny, 20, bukas na pinag-uusapan ito sa kanilang pamilya para maturuan sila nang maayos.
Si Donny ay anak nina Maricel Laxa at Anthony Pangilinan.
Aniya, “I think the biggest message my parents taught me is think before you act; na lahat ng gagawin mo there are specific consequences.
“Something will happen out of this, so always be cautious of the situation you are in.
“Be aware of what you do.”
Kasama rin sa pelikulang Walwal sina Kisses Delavin, Jane de Leon, Sophia Senoron, at Devon Seron.
Ipalalabas ang pelikula sa mga sinehan sa June 27.