Kahit naka-move on na ang lahat at unti-unti nang nakakalimutan ang madilim na yugtong ito ng kanyang nakaraan, may ilang pilit pa ring inuungkat ang masaklap na insidenteng ito sa buhay ng aktres na si Katrina Halili.
Sa throwback Instagram post ni Katrina kagabi, June 28, sinariwa ng Kapuso star ang kanyang pagiging calendar girl ng isang brand ng alak noong taong 2007.
Ngunit sang basher ang nagkomento nang negatibo rito.
Ayon kay @summerificme, “Eto ba yung bago ang sex scandal mo?”
Hindi naman nagpatinag si Katrina sa nasabing basher.
Buwelta niya, “Walang bago. Yun pa din, watch mo…”
Dagdag pa ng The Stepdaughters star, “Wow ah… gumawa ng account para mambwisit, ikaw ang mabwisit sakin…”
Marami naman ang nagtanggol kay Katrina dahil sa komento ng nasabing basher.
Ngunit ayon sa aktres, hayaan na lang dahil hindi nararapat na pag-aksayahan ito ng oras.
Taong 2007, nasangkot si Katrina sa video scandal ng cosmetic surgeon na si Hayden Kho Jr.