Parehong nagbigay ng paalala sa kani-kanilang fans ang dating mag-best friends na sina Maris Racal at Loisa Andalio.
Sa pamamagitan ng kani-kanilang Twitter accounts, pinaalalahanan ng dalawa ang kanilang fans at followers.
Noong July 4, sinabihan ni Loisa ang kanyang fans, “Please, behave na!”
Please, behave na!
— Loisa (@iamAndalioLoisa) July 4, 2018
Sabi naman Maris sa Twitter post niya kanina, July 6, “I encourage my followers to always take the higher road.”
I encourage my followers to always take the higher road.
— Maris ?? Racal (@MissMarisRacal) July 6, 2018
Ang tweets ng dalawang young stars ay kasunod ng panayam ni Maris sa late-night talk show na Tonight With Boy Abunda noong June 26.
Dito niya sinabing nagkaroon sila ng hindi pagkakaunawaan ng dating matalik na kaibigang si Loisa.
Inamin rin niya na isang sanhi nito ay ang madalas na pagkukumpara ng mga fans sa kanila.
Ani Maris, “Malaking bagay po yung mga sobrang harsh na comments ng fans.
“Lagi kaming naku-compare—who's better, who's not.”
Sa kabila nito, sinabi ni Maris na magkaibigan pa rin sila ni Loisa, pero hindi na nga lang "best friends."