Ipinahayag ni KC Concepcion kung gaano niya kamahal ang inang si Sharon Cuneta sa kabila ng mga pagkakaiba nila.
Kamakailan ay nagkita ang mag-ina sa kanilang family reunion, at nag-post si KC ng mga larawan nila ng ina sa Instagram ngayong Huwebes, July 19.
Mensahe ni KC sa caption, "Mama & I may have a 19 year gap, I may have come to her life too early, or even unexpectedly, and we may have all our differences, but: @reallysharoncuneta You will always be my first valentine, my first best friend, my 1st hero. All I want is to see you laugh & smile."
Sa huling bahagi ng kanyang mensahe, sinabi ni KC na gusto niyang maramdaman ng ina na "worth it" ang pagsilang nito sa kanya.
"At the end of the day, I will always want you to feel that having me was worth it.
"And above all I know I will always choose LOVE."
Matagal ding hindi nag-post sina Sharon at KC ng kanilang larawan na sila lang ang magkasama.
Bukod dito, maraming beses ding naging usap-usapan ng netizens kung nagkaroon ng tampuhan ang mag-ina.
Sa isang social media post ng Megastar noong Mayo, inamin niyang iba na ang relasyon nila ng panganay na anak.
“I somehow just lost her somewhere years back... though I love her very much and will be here for her anytime," pag-amin ng 52-anyos na singer-actress.