Sinagot ni Kris Aquino ang isang netizen na nagtanong kung magkagalit ba sila ni Sharon Cuneta.
Hindi raw kasi nagpasalamat si Kris kay Sharon kahit na nagpa-block screening ang Megastar ng I Love You, Hater, ang pelikula ni Kris kasama sina Joshua Garcia at Julia Barretto, noong July 26.
Sabi ni Kris sa netizen, “I’m sorry I’m unaware, I thanked her personally through text when I saw the @starcinema post of her interview…”
Sa social media post ni Sharon noong araw ng block screening ng I Love You, Hater, sinabi nitong gusto niyang imbitahan si Kris sa event, pero nalaman daw niyang nasa ibang bansa ito.
Nagpunta si Kris sa bansang Indonesia noong nakaraang linggo.
Gayunpaman, pinuri ng Megastar ang performance ni Kris sa pelikula.
“I wanted to invite you, Kris but I heard you are abroad working, and it’s biglaan pa.
"But you are so refreshing in this movie and your character just as fun and colorful as your outfits na I am sure matutuwa lalo the audience when they watch you!”
Binigyan naman ito ng malisya ng ilang netizens at inisip na may hidwaan ang dalawa dahil bago ang showing ng pelikula, hindi rin nabanggit ni Sharon si Kris sa Instagram post nng Megastar.
Pero paglilinaw ni Sharon, binanggit niya si Kris sa naunang post at pinakiusapan ang netizens na huwag silang gawan ng isyu ni Kris.