Ipinagtanggol ni Attorney Gideon Peña ang TV personality na si Gretchen Ho matapos silang iugnay ng mga netizen.
Si Peña ang abugadong nauugnay rin ngayon sa TV host-actress na si Kris Aquino.
Ngunit pareho nang itinanggi nina Atty. Peña at Kris na may namamagitan sa kanila higit pa sa pagiging magkaibigan.
Sa isang recent Instagram post ni Atty. Peña tungkol sa pagkakaibigan, nagkomento ang ilang netizens na nalulungkot daw sila dahil hanggang kaibigan lang ang turingan nila ni Kris.
Kasunod ng ganitong diskusyon, may ilang netizens ang nagbanggit at nag-tag pa kay Gretchen.
Ayon sa kanila, ang Umagang Kay Ganda host ang totoo diumanong pinopormahan ni Atty. Peña.
Komento ng ilan, madalas daw i-like ng abogado ang posts ng dating Ateneo Blue Eagle lady spiker.
Paniniwala pa nila, para raw talaga kay Gretchen ang special posts ni Atty. Peña.
Pakiusap naman ni Atty. Peña, "Please leave Gretchen out of the issue. Can't we just be friends and kind with people?"
Sabi pa niya, inosente raw si Gretchen at hindi dapat idinadamay.
GRETCHEN REACTS
Sa pamamagitan ng direct messaging sa Instagram, kinuha ng PEP.ph (Philippine Entertainment Portal) ang reaksiyon ni Gretchen tungkol sa pag-uugnay sa kanila ni Atty. Peña.
Sagot ng Kapamilya TV host: “We’re just friends [smiley]”
Inusisa namin kung paano nagsimula ang kanilang pagkakaibigan, subalit hindi na siya sumagot.
KRIS SPEAKS UP
Sumagot din si Kris tungkol sa patuloy na pangungulit ng ilang netizens kay Atty. Peña at umaasang magkatuluyan ang dalawa.
Bahagi ng komento niya, “I need to stand by my friend @the.mightywarrior…
“BUT let’s give Atty G a BREAK.
“Sana all those commenting here will also realize that nobody will choose to become closer to me because maraming feeling entitled na mag opinion.
“He didn’t & he wasn’t ‘born’ for this fishbowl existence.
“Someone I once loved said ‘mahirap gumalaw pag ikaw ang naging ka relasyon dahil maraming tao na may masasabi…’” hugot ni Kris.
“Please allow attorney his PRIVACY & his freedom to ‘like’ posts of others.”
Diniretso rin ng 47-anyos na aktres ang ilang rason kung bakit hindi sila maaaring magkatuluyan ng abogado.
“I’m way too old for him, my sons if ever will need someone more mature than me to be able to love & accept them, and I have so many world obligations but at the sme time I have health issues—so it’s a difficult balancing act.
“Please be happy for him & whatever will make Atty G feel fulfilled & peaceful—I’m 100% for that.
Paliusap pa ni Kris, “Ako na lang kulitin nyo in my IG feed?”
