Tila hiwalay na ang magkasintahang sina Miho Nishida, 25, at Young JV, 28, matapos ang halos isang taong pagkakamabutihan.
Kaugnay ito ng matalinhagang social media posts ni Young JV tungkol sa panloloko at pang-iiwan umano ng hindi pinangalang personalidad.
Sa pamamagitan ng Instagram Story, ipinahiwatig ni JV na hindi siya makapaniwala na tila balewala lang ang natamong panloloko sa kanya.
Gamit ang GIFs, sabi ni Young JV, “Getting cheated on and not caring abou[t] how you feel is just wow.”
Sa kanyang hiwalay na Twitter posts noong July 29 at 31, malaman din ang pahayag ni Young JV kung gaano kasakit ang masaktan ng isang taong minahal at pinagkatiwalaan niya.
Nothing hurts more than being disappointed by the person you thought would never HURT YOU.
— Young JV (@iamyoungjv_) July 29, 2018
Wow. Okay .bye ????
— Young JV (@iamyoungjv_) July 31, 2018
Sa kabila nito, mayroon din siyang tweet tungkol sa pagpaparaya.
If they want to leave, let Them. If they push you away,go. You weren’t put on this earth to convince anyone of your worth. You’re here to learn, create, flourish, live, spread love and nourish. The ones deserving of you Will always makes you feel appreciated. ????
— Young JV (@iamyoungjv_) July 31, 2018
ROMANCE TURNED SOUR
Sina Miho at Young JV ay pinaniniwalaang magkarelasyon mula nang naiulat ang madalas nilang paglabas-labas noong August 2017.
October 2017 nang inamin ni Miho sa panayam ng PEP.ph (Philippine Entertainment Portal) na nanliligaw sa kanya si Young JV.
Nito lang May 2018, kinumpirma ni Young JV na maituturing silang magkarelasyon dahil apat na buwan na silang "exclusively dating."
Hanggang sa ihayag nga ni Young JV ang pinagdadaanang problema nila ni Miho.
Umapela ang ilang tagasuporta nila na sana ay huwag nang isapubliko ni Young JV kung anuman ang hindi pagkakaunawaan nila ni Miho.
BREAKUP VIA TEXT?
Tila ito ang nag-udyok sa ina ni Young JV, si Elsa Kapunan, na ipagtanggol ang anak.
Base sa kumalat na screenshot ng isang text message mula kay Elsa, kinumpirma nitong hiwalay na sina Young JV at Miho.
Sabi rito: "Nagulat nalang si JV na tinex sya ni Miho na hindi na daw sya happy at sorry nalang.
"Itong breakup na kinagugulat ni JV ay dahil sa dinaan ni Miho sa text lamang."
Dagdag ni Elsa, sana raw ay magkausap ang dalawa sa ngalan ng kanilang pinagsamahan noon.
Statement from Young JV mom ...???@starmagicphils @StarCinema @ pic.twitter.com/LdEZeTQD3S
— eirosey (@eirosey) July 31, 2018
Sinubukan ng PEP.ph na hingan ng pahayag sina Young JV at Miho sa pamamagitan ng pagpapadala ng Instagram direct messaging, ngunit wala pang sagot ang mga ito at press time.
Si Miho ay dating Pinoy Big Brother: 737 housemate, habang si Young VJ ay isang singer-actor.
Pareho silang mula sa ABS-CBN talent arm na Star Magic.