Muling sasali sa Miss Universe Sweden 2018 si Cloie Syquia Skarne.
Si Cloie ay anak ng aktor na si Gabby Concepcion sa dating aktres na si Jenny Syquia, at half-sister siya ni KC Concepcion.
Sa pamamagitan ng Instagram ngayong Miyerkules, September 5, inanunsiyo ni Cloie ang muli niyang pakikipagsapalaran sa entablado ng pagandahan sa Sweden.
Bahagi ng kanyang post, “Exciting news! I am officially a finalist in the Miss Universe Sweden pageant which will be held on September 23, 2018! I will be competing at Café Opera in Stockholm!
"It's going to be so fun! Hugs."
Suportado naman ito ng kanyang ate na si KC.
Sabi ng actress-TV host sa kanyang komento, "YASSSSSS get it sistah!"
Matatandaang sumali na rin sa Miss Unviverse Sweden si Cloie noong 2016 kung saan napagwagian niya ang Miss Earth Sweden title.
Sa Miss Earth 2016, na sa Pilipinas ginanap, nakapasok siya hanggang sa Top 8.
Marahil, gustong makuha ni Cloie ang Miss Universe Sweden title upang makapag-compete siya sa itinuturing na pinakaprestihiyosong beauty pageant, ang Miss Universe 2018, na gaganapin sa Thailand.