Hindi na naitago ni Sunshine Cruz ang inis sa estranged husband na si Cesar Montano dahil sa diumano'y pagkabigo ng aktor na gampanan ang responsibilidad nito bilang ama sa kanilang tatlong anak na babae.
Matapang ang mga post ni Sunshine sa Instagram nitong Huwebes, August 8, na malinaw na pasaring sa ama ng kanyang mga anak.
Pakikipaglaban para sa karapatan ng kanyang mga anak ang mensahe ng post ng 41-anyos na aktres.
Caption dito ni Sunshine: "Sometimes, you have to do what you have to do in order to be heard.
"We waited for years! Patiently and quietly.
"I am doing this not for myself but because I know what the children deserve."
Kalakip ng kanyang post ang apat na quote cards tungkol sa paninindigan upang matigil ang maling gawain:
Sa comments section, isang netizen ang nagsabing ang katuwiran marahil ni Cesar kaya hindi ito nagbibigay ng sustento sa mga anak ay dahil may trabaho naman si Sunshine.
Tampok ang aktres sa Kapuso morning drama series na Kapag Nahati ang Puso.
Sumagot ang aktres at sinabing hindi ito valid reason.
Saad ni Sunshine, "Not a valid reason. Ilang taon ko na ngang pinapalagpas para iwas stress pero mali na pinapalagpas at hinahayaan.
"Even if I can provide, he still has a responsibility sa mga minor and legitimate kids nya sakin.
"Hindi po siguro sanay sumusunod sa tinatawag na court order."
Sa exclusive interview ng PEP.ph (Philippine Entertainment Portal) kay Sunshine, binanggit niya na binabali si Cesar ang court order na magbigay siya ng sustento sa kanilang mga anak.
Mananatiling bukas ang PEP.ph sa panig ni Cesar hinggil sa isyung ito.