Magkakahalo ang naging reaksyon ng netizens sa hinaing ni Pokwang tungkol sa pagputol ng Meralco sa linya ng kanilang kuryente.
Sa tweet ng Kapamilya comedienne noong Huwebes, September 12, ipinaliwanag niyang masyado siyang busy sa trabaho kaya hindi agad naasikaso ang pagbabayad ng kuryente.
Ngunit isang oras pagkatapos niyang bayaran ang kanilang electric bill ay pinutulan pa rin sila ng kuryente.
Kaya buwelta ni Pokwang sa Meralco: "Putol agad kung kelan nabayaran na after 1 hour??? Walang pinagkaiba sa buwitre mga letse kayo!"
Magkakaiba naman ang naging reaksiyon dito ng netizens—may mga hindi sumang-ayon at mayroon ding kumampi sa kanya.
Kabilang sa mga negatibong komento ay nagsabing kaya nga may due date ang bill; dapat ay sumusunod sa batas; hindi siya dapat feeling entitled; lahat naman daw ay busy.
Hindi nagustuhan ni Pokwang ang tweet ng isang netizen, na burado na ngayon.
Dito ay ipinaliwanag niya kung bakit nagpupuyos sa galit ang kanyang naunang tweet.
Buwelta niya sa netizen, "Hoy nobody taga meralco kaba? at nanggagalaiti ka?
"hindi ka nanay kaya wag kang epal! nag nenebulize ako sa anak ko na may sipon at kakabayad ko lang ng pinutol nila tanga ka?
"sana nagbabasa ka muna shunga!!!"
Hoy nobody taga meralco kaba? at nanggagalaiti ka? hindi ka nanay kaya wag kang epal! nag nenebulize ako sa anak ko na may sipon at kakabayad ko lang ng pinutol nila tanga ka? sana nagbabasa ka muna shunga!!! https://t.co/DhVFXDOKVR
— marietta subong (@pokwang27) September 13, 2018
Si Malia ay ang eight-month-old na anak ni Pokwang sa kanyang American boyfriend na si Lee O'Brian.
Sa kabilang banda, marami rin ang nakisimpatya sa Kapamilya actress.
Ang ilan ay ibinahagi pa ang kanilang parehong karanasan.
Ang ibang netizens naman ay pinayuhan si Pokwang kung paano mapapabilis ang pagbabayad ng kuryente, kagaya ng online transactions.