Pinag-iisapan daw nang mabuti ng aktor at negosyanteng si Richard Yap kung papasukin niya ang mundo ng pulitika.
Ito ay sa pamamagitan ng pagtakbo bilang kongresista sa North District ng Cebu kung saan siya ipinanganak at lumaki.
Sa presscon ng 51-year-old Kapamilya actor sa Cebu ngayong Lunes, September 17, sinabi niyang matagal na siyang inaalok na kumandidato sa kanilang lugar ngunit tinanggihan niya ito.
Pahayag niya sa panayam ng Cebu-based media, "I'm thinking about it.
"Well… there are people asking me and I'm seriously thinking about it because it's…
"There are people who have asked me to run for the past five or six years already, and I have declined."
Inaalok ng Barug Team Rama ni dating Cebu City Mayor Michael Rama si Richard na magiging kandidato nila sa Cebu City North District sa 2019 mid-term elections.
Kung sakaling matuloy siya sa pagtakbo, makakalaban niya ang Bando Osmeña-Pundok Kauswagan (BOPK) incumbent north district representative na si Raul del Mar.