Usap-usapan sa social media ang malamang pahayag ni Janella Salvador na hindi kailanman katanggap-tanggap na pisikal na saktan ng isang lalaki ang isang babae.
Kahit pa umano sabihing lasing ang lalaking nanakit ay hindi raw ito sapat na dahilan.
Hindi malinaw kung may personal na dahilan o random thought lang ito ni Janella, base sa kanyang tweet noong September 8.
I think everyone deserves someone who does not hurt them regardless if they’re drunk or not. Men who are raised properly are never supposed to hurt women no matter what. :)
— Janella Salvador (@superjanella) September 8, 2018
Ngunit hindi maiwasang magkaroon ng espekulasyon kung may personal bang pinagdadaanan si Janella.
JANELLA'S BRUISED ARM
Lalo na’t hindi nakaligtas sa netizens ang kumalat na litrato ni Janella mula sa Instagram Story ng kaibigan niyang si Julia Barretto noong nakaraang Linggo, September 16.
Walang anumang sinabi si Julia maliban sa katagang “chef @superajanella,” bilang pagtukoy kay Janella na abala sa pagluluto.
Nakatalikod si Janella sa litrato, ngunit kapansin-pansing mayroon siyang pasa sa bandang kanang braso malapit sa siko.
Sa kabila nito ay walang sinasagot si Janella sa anumang katanungan ng mga tagasuporta kung may kinalaman ba ang kanyang pasa sa tweet niya tungkol sa physical violence.
TRUTH ABOUT WHAT?
Tila may nalalaman naman hinggil sa isyu ang ina ni Janella na si Jenine Desiderio.
Sa Instagram post ni Jenine kahapon, September 20, nagpakawala siya ng makahulugang hashtags na “NOtophysicalviolence” at “#NOtomenwhophysicallyabusewomen.”
Kalakip ng post ni Jenine ang babala na ang katotohanan ay mananaig laban sa kasinungalingan.
“Truth is always objective. Based on facts. It is never subjective. There is only one truth in every story.
“It remains consistent, steadfast & congruent with facts.
“Any deviation from that just becomes a mere opinion, which is formed by one’s perception of info plus personal judgement.”
Sinubukan ng PEP.ph (Philippine Entertainment Portal) na hingan ng reaksiyon si Janella at ina niyang si Jenine sa pamamagitan ng Instagram direct messaging ngayong araw, September 21.
Agad namin itong ilalathala sa oras na magbigay sila ng paglilinaw hinggil sa isyu.