Sunud-sunod ang mensahe ng pagbati sa mag-asawang Marian Rivera at Dingdong Dantes kasunod ng kumpirmasyong buntis ang Kapuso actress sa ikalawang pagkakataon.
Ngayon araw, September 25, excited na ibinahagi Marian sa Instagram ang magandang balita kalakip ang litrato ng kanyang ultrasound.
Caption ni Marian: "My heart overflows with gratitude and humility. Dong and I, with our Zia, have been gifted with the miracle of life! Looking forward to meeting our 'little one' soon."
View this post on Instagram
Kabilang sa mga bumati sa comment section ng post ni Marian ang ilang ABS-CBN stars; kagaya ng It's Showtime hosts na sina Mariel Padilla at Anne Curtis, Bianca Gonzalez, Pokwang, Jaya, at Megastar Sharon Cuneta.
Ikinatuwa rin ng ilang Kapuso stars ang magandang balitang ito.
Kabilang sa nagpaabot ng mensahe sina Chynna Ortaleza, Gabby Eigenmann, LJ Reyes, Bianca Umali, Kyline Alcantara, Alyana Asistio, Ash Ortega, at Julie Ann San Jose.
Usap-usapang dalawang buwan nang buntis si Marian ngunit hindi pa ito kinukumpirma ng 34-year-old Kapuso actress.
Kung sakali, sa April 2019 isisilang ni Marian ang pangalawang anak nila ni Dingdong.