Sina John Lloyd Cruz at Ellen Adarna nga ba ang namataan ng publiko sa isang beach, kung saan makikitang hawak ng dalawa ang isang sanggol?
Pinag-uusapan ng netizens ngayon ang larawang na-upload sa isang gossip blogsite kung saan makikitang tila pinapaliguan ng mag-partner ang isang sanggol sa dagat.
Base sa mga komento, ang kasamang baby nina John Lloyd at Ellen ay walang iba kundi ang kanilang anak na si Elias Modesto.
Isinilang ni Ellen ang anak nila ni John Lloyd noong June 27.
Huling namataan ng publiko ang showbiz couple sa isang party kasama ang ilang kaibigan noong September 8, 2018.
Samantala, mag-iisang taon na mula nang mag-indefinite leave sa showbiz si John Lloyd.
Hanggang ngayon ay wala pa ring balita kung babalik ito sa trabaho dahil mukhang ini-enjoy niya ang kanyang buhay na wala sa limelight.
Hindi pa rin nagpapaunlak ng panayam sina John Lloyd at Ellen mula nang mabalitang buntis ang sexy star hanggang sa magsilang ito.