Hindi napigilan ni Loisa Andalio na sagutin ang basher na nagsabing maniniwala lang siyang mahal nga siya ng rumored boyfriend nitong si Hashtags member Ronnie Alonte kapag pakakasalan siya nito.
Sa Instagram post ng Kapamilya young actress nitong Linggo ng gabi, September 30, makikita ang selfie photo nila ni Ronnie kung saan nakayakap sa kanya ang binata.
Nakalagay sa caption, "Sorry po, he's mine."
May nagkomentong netizen dito na sinagot ni Loisa.
Sabi ni @allynzkietot, "Di woow!! Maniniwala nlng kme kung ikaw pinakasalan nea."
Tugon ni Loisa, "@allynzkietot Wait ka lang haha."
Hanggang ngayon ay hindi pa rin direktang umaamin sina Loisa at Ronnie tungkol sa kanilang relasyon, ngunit madalas silang nagpu-post ng mga larawan nilang magkasama sa social media.