Ibinalik na ni Cristine Reyes sa kanyang pangalan ang handle names ng lahat ng social media accounts niya ngayong Martes, October 9.
Sa kanyang Instagram, ginawa niyang @cristinereyesss ang kanyang username mula sa @mrscristinekhatibi.
Ito rin ang kanyang ginawa sa kanyang Facebook at Twitter accounts.
Dahil dito, mas lumakas ang espekulasyong totoo ang balitang hiwalay na si Cristine at ang mister niyang si Ali Khatibi.
Sa inilabas na ulat ng PEP.ph (Philippine Entertainment portal) noong Linggo, October 7, hindi direktang sinagot ni Cristine ang katanungan namin kung may katotohanan ang balitang pinaalis niya ang mister sa kanilang bahay early this year dahil sa kawalan diumano ng regular na trabaho ni Ali.
“Deadma” lamang ang sagot ng Viva artist dito.
Gayunpaman, nanindigan ang reliable source ng PEP.ph na hiwalay na sina Cristine at Ali bago pa man ang bonding ng aktres at ng kanyang mga kapatid sa Boracay noong March 2018.
PEPsters, ano ang masasabi niyo sa aksiyong ito ni Cristine?