Inalala ni Pokwang, 45, kung paano siya tinulungan ni Regine Velasquez, 48, nang mag-concert ang comedienne ilang taon na ang nakalilipas.
Kasunod ng formal announcement ng paglipat ng Asia’s Songbird sa ABS-CBN nitong Miyerkules, October 17, nag-post si Pokwang sa Instagram para i-welcome ang bagong Kapamilya.
Nagbahagi rin siya ng kuwento para patunayan kung gaano kabuti si Regine.
Lahad ni Pokwang, “8 years ago nang mag concert ako sa aliw theater ng tatlong gabi, nalaman mo na may concert ako kaya nag presinta ka na ikaw ang isa sa guest ko, tinawagan mo agad ang sister mong si miss Kakai para ayusin ang schedule mo, at eto pa mi hindi ka nag pa TF!! as in for the love
“thank you, thank you queen @reginevalcasid napaka busilak ng puso mo..... kaya napaka saya ko at kapamilya kana rin”
“paaakkkk #welcomehomekapamilyaregine God bless you more and see you around yeheeeyyyy”
Pormal nang pumirma ng two-year contract si Regine sa ABS-CBN kahapon, matapos ng isang buwang usap-usapan tungkol sa paglipat niya ng istasyon mula sa GMA-7.