Hanggang ngayon ay patuloy na kinakikiligan ng netizens ang mga larawan ng Kapamilya actress na si Sofia Andres at ng international race car driver na si Daniel Miranda.
Ang Cebuano racer ang napapabalitang bagong boyfriend ni Sofia.
Kahapon, October 29, nag-post si Sofia, 20, ng larawan nila ni Daniel, 21, kung saan magkatabi silang nakaupo sa hagdanan sa isang resort kung saan sila nagbabakasyon.
Ngayong araw, October 30, si Daniel naman ang nagbahagi ng kaparehong litrato sa kanyang Instagram account.
Wala siyang nilagay na caption sa kanyang post.
View this post on Instagram
Pinusuan naman ito ng maraming netizens.
Sa kanyang Instagram Stories (IG Stories), dalawang videos ni Sofia ang ibinahagi ni Daniel:
“BEGIN AGAIN”
Ngayong araw rin, nag-post si Sofia sa Instagram ng larawan ng langit na magbubukang-liwayway.
Nilagyan niya ito ng caption na “We can always begin again.”
Ngunit kalaunan, binura rin niya ang nakasulat na caption.
View this post on Instagram
Sa isa pa niyang post, sinabi ng dalaga na, "Someone is getting better at taking photos."
Naka-tag dito si Daniel.
Sa kanyang IG Stories, nagpost din si Sofia ng video ni Daniel.
