Binusog sa papuri ni Sharon Cuneta, 52, si Kathryn Bernardo, 22, sa pamamagitan ng isang recent Instagram post.
Magkasama sina Sharon at Kathryn sa upcoming Star Cinema movie, ang Three Words To Forever, na pinagbibidahan din ni Richard Gomez.
Nitong Lunes, November 19, nag-post ang Megastar sa Instagram ng larawan nila ni Kathryn.
Sa caption, inisa-isa ni Sharon kung bakit masaya siyang nakatrabaho ang young Kapamilya actress.
Tinawag pa niyang “Box-Office Queen,” “Superstar,” “sincere,” at “great girlfriend” si Kathryn.
Simula ni Sharon, “I am so happy to have been given this chance to work with Kathryn @bernardokath.
“It is so refreshing and heartwarming to spend so many days with a new Box-Office Queen, a Superstar, a good actress, someone who is beautiful, simple, sincerely sweet and kind, respectful to her mother and to everyone she works with. A great girlfriend too.”
Ang boyfriend ni Kathryn ay ang kanyang perennial leading man na si Daniel Padilla.
Sabi pa ni Sharon, magkatulad sina Kathryn at Julia Barretto.
“Such a wonderful thing to know that she, like my Julia @juliabarretto, will be taking care of this Industry I have long loved and sacrificed so much for when it is time for me and my contemporaries to leave,” pahayag ng actress/singer/host.
Nakatrabaho ni Sharon si Julia sa 2017 movie Unexpectedly Yours, at naging malapit din sila sa isa't isa.
“TAKE CARE OF YOUR HEART...”
Sa dulo ng kanyang post, nagbigay ng payo si Sharon kay Kathryn pagdating sa personal na buhay.
“Love you, Kath. Stay as sincere and true as you are.
“You take care of your heart, and everything else will keep falling into place!”
Binanggit din ni Sharon si Daniel sa kanyang post.
“Love you too, Daniel. Whatta guy. A Padilla - but even better! Can you imagine?!”
Si Daniel ay pamangkin ni Robin Padilla, na dating naging leading man at ex-boyfriend ni Sharon.
Dugtong pa ni Sharon, simula pa lang ay naging magaan na ang loob niya kay Kathryn.
“Oh - almost forgot - I also have had no fears or hesitations in opening up to her. It came so naturally. I knew in my heart right away that I could trust this girl.
“Thank you, Kath, for listening to me and for all your thoughts too!”
Sa comments section, natuwa kay Sharon ang mga fans ni Kathryn.
Matatandaang noong August 2018, hindi ikinatuwa ng supporters ni Kathryn ang post ng Megastar dahil ikinumpara niya ito kay Julia.
Sa naturang post, sinabi ni Sharon na mahal niya si Kathryn, pero walang kapalit sa kanyang puso si Julia.
Hindi pa nagsisimula noon ang shooting nina Sharon, Kathryn, at Richard.