Hindi pinalampas ni Heart Evangelista ang komento ng isang basher na sana raw ay mamatay na siya katulad ng namayapang kaibigan at ninang sa kasal na si dating Senator Miriam Defensor-Santiago.
Nagsimula ito sa throwback post ng 33-year-old Kapuso star ng larawan nila ng yumaong senadora kahapon, November 20.
Mensahe ni Heart sa caption, “If only I could turn back time and have one last conversation with you.
"I know people would have loved an 'Adulting 101 with Senator Miriam' video too.
"Missing you everyday, Sen. Miriam."
Isang basher ang nagkomento sa post niyang ito.
Sabi ni @majesty_ny18, “Sana kunin ka na ni Lord @iamhearte.”
Hindi ito pinalampas ng actress-TV host.
Buwelta ni Heart, “@majesty_ny18 Lahat tayo kukunin ni Lord at the right time.
“Ang tanong where will you be going for being horrible?
“Better think of that before it’s too late?
“God bless you and your friends.”
Sa ngayon, burado na ang komento ng netizen at ang sagot ni Heart sa kanyang Instagram post.