Inalala ng aktres na si Dianne Medina at ng dating singer na si Carol Banawa ang magagandang alaala nila kay Teejay Cruz, ang yumaong panganay na anak nina Tirso Cruz III at Lynn Ynchausti.
Pumanaw si Teejay dahil sa cancer kahapon, November 21. Siya ay 37-anyos.
Si Dianne ay girlfriend ng pinsan ni Teejay na si Rodjun Cruz.
Base sa Facebook post ni Dianne, naging malapit na magkaibigan sila ni Teejay, na ang tawag pa niya ay “Walkout Partner.”
Mensahe ni Dianne nitong Miyerkules, “Hi Teejay Cruz i still can’t believe it. This is heartbreaking but I know God has a PURPOSE.
"After my work today— I went to the Adoration Chapel and had my Quiet Time with our Lord Jesus ang bigat kasi talaga sa puso ko.
"I prayed for you Teej— habang nagdadasal ako lahat ng memories ko with you bumalik and i found myself smiling.
"Thank you for everything— really thank you!!!
“Thank you for being so nice to me, for always being there for me, sa lahat ng kwentuhan, for all the happy memories I will cherish forever— Maraming Maraming Salamat!
"Nag light na rin ako ng candles for you. I love you My Walkout Partner!”
Sina Carol at Teejay ay nagkasama naman sa Ang TV, ang youth-oriented show ng ABS-CBN noong dekada '90.
Mensahe ni Carol sa kanyang Instagram post kahapon, “Gone too soon Teejay Cruz.
"I will always remember you as one of the sweetest and kindest during our #AngTV days.
"Another angel is home."
Sa U.S. na ngayon nakabase si Carol.