Pinaninindigan ni Mariel de Leon ang kanyang naging pahayag kahit nakatanggap siya ng mixed reactions mula sa publiko.
Sa kanyang Instagram Story noong November 28, Miyerkules, diretsahang sinabi ng 25-anyos na aktres na nag-move on na siya sa pagiging beauty queen.
Hindi nagustuhan ng marami, partikular ang pageant fans, ang mga katagang ito ni Mariel: “I don't like being called beauty queen. It means nothing to me.”
Ipinaliwanag naman ng Bb. Pilipinas-International 2017 na ayaw niyang makahon lamang at makilala bilang isang beauty queen.
Gayunpaman, nakatanggap ng pambabatikos ang beauty queen-actress dahil sa kanyang prangkang pahayag.
Sa kanyang sumunod na tweets, nanindigan ang anak nina Christopher de Leon at Sandy Andolong sa kanyang pahayag.
Sabi ni Mariel, "You can choose what affects you. Choose the positive.
"Choose the people that matter and that have been with you through your journey since day 1."
Naging maanghang din ang sumunod niyang tweet tungkol sa mga taong nakikialam sa buhay ng iba.
“I really don’t get how people can get offended by someone else’s life choices.
“People who stick their nose in other people’s lives are the ones that have no lives themselves,” mensahe ni Mariel.
Sa isa pang tweet, sinabi ng dating beauty queen na kailangang baguhin ang pag-iisip ng mga taong may mababang tingin sa mga babae.
“People -especially in Asian culture- need to let go of the idea of women needing to be submissive and quiet.
“They believe we have no right to voice our opinions.
“They expect us to just sit pretty.
“It's 2018. Strong women rule.”