Mukhang nami-miss na ni Kris Aquino ang pagkakaroon ng TV show.
Kagabi, January 21, nag-post si Kris sa Instagram ng video habang nanonood sila ng anak na si Bimby Yap ng pilot episode ng The General’s Daughter, ang ABS-CBN primetime series na pinagbibidahan ni Angel Locsin.
View this post on Instagram
Sa comments section, may nagtanong na follower tungkol sa pagbabalik-telebisyon ni Kris.
Ayon sa netizen na si @realrhenamagbanua, “Miss @krisaquino balik kna abs po please miss kna namin”
Kaagad namang tumugon si Kris sa kanyang mensahe.
Sabi ni Kris, maaaring kulitin ng netizen at iba pa ang ABS-CBN o GMA-7 upang bigyan siya ng show.
Pero kung maaari raw sana ay "once a week & LIVE" ang programang ibigay sa kanya.
Ito ay dahil hindi pa raw kaya ng kanyang katawan na sumabak sa mahabang oras ng taping.
Ito ang kabuuang sagot ni Kris: “@realrhenamagbanua your account looks real.
“Thank you… you & others can make @abscbn or @gmanetwork kulit…
“GAME ako. But once a week & LIVE sana (not yet healthy enough to tape long hours), 1 hour only & preferably on a weekend… or suggestion lang naman.”
Nilisan ni Kris ang ABS-CBN noong March 2016 pagkatapos ng 20 taon.
Ang huling regular show niya ay ang talk show na Kris TV noon ding 2016.