Ipinagdiwang ni Khalil Ramos ang kanyang ika-23 kaarawan kahapon, January 22, sa Mount Batolusong, Tanay, Rizal.
Kasama niyang umakyat ng bundok ang girlfriend na si Gabbi Garcia, 20.
Nauna nang nag-post ang Kapuso actress ng larawan nila ng boyfriend na kuha sa naturang bundok.
Sa caption, tinawag ni Gabbi na "partner" si Khalil.
Sa kanyang Instagram post kagabi rin, nag-post si Khalil ng pasasalamat sa lahat ng bumati sa kanya.
Pinasalamatan din niya ang nobyang si Gabbi, na tinawag niyang "mi persona favorita" or my favorite person.
Buong mensahe ng Kapamilya singer-actor: "This time last year, I was alone at the top of Marlboro hills in Batanes seeking answers to my questions in life.
"A year and a hundred questions answered later, here I am on top of Mt. Batolusong, no longer alone and with mi persona favorita.
"I’m very much thankful to all the people who helped me along the way.
"Most especially this lady, who forced me to wake up at 5am for a surprise 3 hour hike!! Thanks for all the greetings guys!! Much love. #23"
Nitong nakaraang Lunes, January 21, inamin ni Khalil sa PEP.ph (Philippine Entertainment Portal) at iba pang media na halos dalawang taon na ang relasyon nila ni Gabbi.