Isinapubliko ni Loisa Andalio, 19, ang ilan sa never-before-seen photos nila ng boyfriend na si Ronnie Alonte, 22.
Sa kanyang Twitter post noong January 25, inamin ni Loisa na hindi niya maibahagi ang mga litrato nila ni Ronnie noong panahong lihim pa lang silang magkarelasyon.
Noon lamang November 2018 kinumpirma ng young actress na dalawang taon na silang magkarelasyon ng Hashtags member.
Balik-tanaw ni Loisa: "Mga panahong nililigawan mo palang ako at nagtatago palang tayo whahahahahahahaha
"Pero ngayon 26 months na tayo [tongue sticking out and shining emojis]
"Happy 2 years and 2 months behhhh!!!
"Mahal na mahal kita alam mo yan [heart] mwaah"
May dalawang larawan kung saan makikita ang coffee at dine-out date nina Loisa at Ronnie.
Mayroon din silang kuha na nagsu-swimming sa isang hindi pinangalanang lugar.
Ang isa pang litrato ay kuha habang sila ay tila on stand-by sa isang work commitment na pinagsamahan nila.
Sina Loisa at Ronnie ay unang nagkatrabaho sa ABS-CBN noon-time show na It's Showtime, kung saan miyembro ang dalaga ng grupong GirlTrends habang ang binata ay kasama sa grupong Hashtags.
Sa kasalukuyan, mapapanood ang kanilang tambalang LoiNie sa Kapamilya prime-time series na The General's Daughter.