Hindi pinalampas ni Ai-Ai delas Alas ang patutsada ng ilang netizens tungkol sa age gap nila ng mister niyang si Gerald Sibayan.
Sa mismong Instagram post niya ngayong Martes, February 12, sinabi ni Ai-Ai na marami pa ring bumabatikos na parang anak na niya si Gerald.
Si Ai-Ai ay 54 years old, habang si Gerald ay 25 years old.
Ngayong araw ay ipinagdiriwang ng mag-asawa ang kanilang "58th monthsary," kabilang ang panahon na sila'y naging magkasintahan.
Ikinasal sila noong December 12, 2017.
Pahayag ni Ai-Ai, "Dun sa mga bashers na nag co comment ng anak ko si gerald jusko mag move on na mag isip naman kayo ng ibang bash ang lumaaaaaaaa!!!!!!
"ANG BOBONG COMMENT -- isip naman ng bago ---Millenial na o .. sumabay naman kayo sa bago!!!!!"
Kalakip nito ang lumang litrato nina Ai-Ai at Gerald.
Pabirong hirit pa ng Comedy Queen: "anyways HAPPY MONTHSARY NAK [laughter with tears emoji] ay KUYA PALA HEHEHE @gerald_sibayan."
Sa kabila ng babala ni Ai-Ai, may isang netizen ang nagkomento sa litrato nila ni Gerald na "pogi" ang hitsura ng "anak" ng Comedy Queen.
Buwelta ni Ai-Ai, "ang aga aga paulit ulit mag basa ka muna ng caption o."
May isa pang netizen ang nagsabing hindi anak, kundi "boyfriend" ni Ai-Ai si Gerald.
Paglilinaw ulit ni Ai-Ai, "asawa ko sya hindi ko sya boyfriend."
Sinegundahan ito ni Gerald at buong pagmamalaking sinabing asawa niya si Ai-Ai.
"Ay asawa po niya ako wala po ba kayong tv o news paper? Kinasal na po kami dec. Last year po.
"May celphone naman po pala ako mag google po kayo. 5years na dn po kami nag sasama."
Pagkatapos ay nag "i love you" si Gerald kay Ai-Ai.
"Happy monthsary my wife :) i love you so much darl [kisses emoji]," dagdag ni Gerald.
Sagot ni Ai-Ai, "@gerald_sibayan labyu darl."
