Engaged na ang travel blogger/social media influencer na si Dani Barretto sa non-showbiz boyfriend nitong si Xavi Panlilio.
Si Dani ay anak ni Marjorie Barretto sa dating boyfriend nitong si Kier Legaspi.
Naganap ang proposal ni Xavi kay Dani ngayong Linggo ng hapon, February 17.
Humingi ng tulong si Xavi sa best friend ni Dani na si Bela Padilla upang i-set up ang kanyang wedding proposal.
Sa sunud-sunod na posts ni Bela via Instagram stories, makikita kung paano nag-propose si Xavi sa kanyang girlfriend of two years.
Naganap sa isang studio ang wedding proposal ni Xavi kay Dani.
Mapapanood sa Instagram Stories ni Bela habang ini-interview si Dani ng Spring Films tungkol sa aktres.
Matapos nito, pinanood ni Dani ang isang video na inihanda ng kanyang boyfriend.
Sa isang bahagi ng video, mensahe ni Xavi kay Dani: "Thank you for showing me that I deserve to be loved in ways that I could never imagine."
Kasunod na nito ang pagtanggap ni Dani sa wedding proposal ng kanyang boyfriend.
Kumpleto rin ang mga kapatid ni Dani na sina Julia, Claudia, Leon, at Erich upang i-congratulate ang dalawa sa kanilang engagement.
Sa Instagram naman, ibinahagi ni Bela ang litrato ng engagement ring ni Xavi kay Dani at excited na ibinalita, "My best friend’s getting married."
Samantla, ipinost din ni Xavi ang engagement ring na ibinigay nito kay Dani.
Ang caption naman nito, "Got an eternity left and I’m already satisfied."
May 2017 nang magkakilala sina Dani at Xavi sa birthday celebration ni Bela sa La Union.