PRESS STATEMENT FROM ABS-CBN:
"Muling magtatambal sina Kim Chiu at Enchong Dee sa isang nakakaaliw na episode ng Your Song na ipapalabas ngayong Linggo, January 30, sa ABS-CBN.
"Parang kahapon lang kami nagkasama," saad ni Enchong nang tanungin siya kung kamusta ang pakiramdam na muling makapareha si Kim. "Walang nagbago. Masayahin pa rin si Kim. Kahit medyo matagal yung gap bago kami ulit nagkasama sa isang project, parang noong isang araw lang kami nagkasama dahil ganun pa rin naman. Masaya pa rin," kuwento ni Enchong.
"Samantala, kakaibang mga papel ang gagampanan ng dalawa sa Your Song. Isang babaeng pera ang pipiliin imbis na pag-ibig ang karakter na bibigyang buhay ng dalaga. Taxi driver naman ang papel ni Enchong.
"Iinog ang kuwento sa takot ni Kim na mangyari rin sa kanya ang nangyari sa kanyang mga magulang na hindi nagtagal ang relasyon, kaya kahit na may nararamdaman siya para sa taxi driver na si Enchong, pinipigil niya ang sarili na mahulog dito.
Hanggang kailan kaya pigilan ni Kim ang kanyang damdamin para kay Enchong?
"Alamin ang kasagutan ngayong Linggo sa Your Song presents Kim pagkatapos ng ASAP Rocks sa ABS-CBN."
Ed's Note: When content falls under "Press Statement," this means that the material is fully and directly from the company itself. The use of open-and-close quotation marks to envelope the entire text shows as much. This also means that PEP is not the author of the statement being read. PEP is simply providing the information for readers who may be interested.