Starting February 7, Kapuso viewers will be able to watch the romantic comedy series na I Heart You Pare featuring the first television project of Asia's Songbird Regine Velasquez-Acasid and Ultimate Dramatic Leading Man Dingdong Dantes. This primetime show is under the direction of Andoy Ranay and Joyce Bernal.
Gaganap si Regine bilang si Tonia/Tonette, a conservative, reserved probinsyana at makikilala ang isang laid-back guy, si Kenneth (Dingdong Dantes). Magkakaroon ng change of character si Regine dahil sa isang aksidente at mula kay Tonia, magiging isang bading siya, si Tonette. For the first time, gaganap naman si Dingdong sa isang straight comedy role. Ang karakter niya ay ang club manager kunsaan nagtatrabaho si Regine.
"Nag-enjoy naman ako, kahit medyo mahirap as Tonette dahil first time kong gaganap sa role na bading," kuwento ni Regine. "Pero dito, makikita mo ang flashy and colorful world of gays and drag queens, pero sa likod ng masasaya nilang pagsasalita at performances, may kani-kanya silang malulungkot na story.
"Nakakatuwa rin dahil iba na naman ang character ko rito, gusto yata ng production, hindi ako masyadong matino. Dito kasi binabatuk-batukan ako, dinuduru-duro. Pero gusto ko rin naman na hindi talaga seryoso ang character ko. Kaya after ng mga eksena ko as Tonette, kapag tinanggal ko na ang makeup ko, balik na rin ako as Regine. Kapag seryoso ang character, parang nadadala mo pa sa bahay."
Kung may hindi malilimutang eksena si Dingdong na ginawa niya sa I Heart You Pare, iyon ay ang binatukan niya si Regine.
"Na-take 8 talaga ako at hiyang-hiya ako kay Regine at kay Direk Andoy," kuwento naman ni Dingdong. "Hindi ko maatim na batukan ang isang Regine Velasquez kahit pa eksena lamang iyon at kahit pa sinabi niyang totohanin ko raw para ma-feel niya.
"Biro mo, tinatawag namin siyang 'Ate Regine' ni Marian [Rivera, his girlfriend], tapos babatukan ko siya. Pero kailangan talaga sa eksena, boss niya ako as Tonette na hindi ko alam na siya rin si Tonia, ang babaeng mahal ko. Kaya kahit nahihiya ako kay Regine, ginawa ko na rin, sa take 8.
"Pero may isa pa rin kayong aabangan sa akin dito, kung paano ko ipakikita na mahal ko si Tonette, kahit isang bading siya."
May peg ba si Regine sa character niya as Tonette?
"Wala namang particular. Marami naman akong kaibigang bading at saka si Direk Andoy, tinutulungan niya ako, kung minsan, siya muna ang gumagawa ng eksena, tapos ako naman ang gagawa."
Ayon kay Direk Andoy, makikita mo agad ang chemistry nina Regine at Dingdong, maraming nakakikilig na eksena na tiyak na magugustuhan ng mga televiewers.
Mapapanood ang I Heart You Pare simula Lunes, February 7, after Machete sa GMA-7. Viewers can expect glitzy and flamboyant musical and production numbers from Regine as she struts on stage with professional drag performers.
Star-studded din ang rom-com at makakasama nina Regine at Dingdong sina Tirso Cruz III, Ian Veneracion, Marc Abaya, Ehra Madrigal, Paolo Ballesteros, Celia Rodriguez, Kevin Santos, Antonio Aquitania, Carlo Gonzales, Butch Aquino, Luz Valdez, Joey Paras, Joel Saracho, Boy Alano, at ang ipinakikilalang si Luanne Dy.