Ikinatuwa nina Kris Aquino at Boy Abunda ang pagkakaayos ng dating matalik na magkaibigang sina Kim Chiu at Maja Salvador.
Naging isa sa mga pinag-usapan ang nasabing isyu sa Aquino and Abunda Tonight noong Martes, April 1.
Dito inihayag ni Kris, kilalang malapit sa Ikaw Lamang star na si Kim, na masaya siya sa pagbabati ng dalawang Kapamilya actress.
Para kay Kris, napapanahon ang pagkakabati nila dahil malapit na ang kaarawan ni Kim.
Aniya, “It could have something to do with the fact that, di ba, birthday na ni Kim sa April 19. Ka-birthday niya si Bimb [referring to her son James] kaya hindi ko ‘yon makakalimutan.
“I think when you’re celebrating your birthday, you want to be at peace with the world.
“So I think, di ba, kung nag-approach si Maj, tinanggap ni Kimmy.
“And siguro, Kim is in a very good place in her life kaya okay na.
“Everybody deserves happiness.”
Dagdag pa niya, “Siguro kung maligaya ka na sa love life mo, okay na sa iyo na 'yong ex mo ay maging maligaya din.”
Samantala, binigyang-pansin naman ng co-host ni Kris na si Boy Abunda ang pagiging totoo pareho nina Kim at Maja.
Sabi ni Boy, “What I admire most about Maja and Kim, hindi sila nag-pretend na magkaibigan noong mga panahon hindi.
“Ako, bilib ako doon. They were very honest.
“Then, noong dumating ang mga panahong ito, hindi pilit.
“I totally, totally admire them. It takes a lot of humility, a lot of love.”
Diin pa niya, “Tama nga, to forgive is divine, a lot of divinity.
“Sometimes ang pinapatawad mo ay hindi ‘yong tao.
“Sometimes you have to forgive yourself.”
Matatandaan na nagsimula ang hindi pagkakaunawaan nina Kim at Maja noong nakaraang taon, habang ginagawa nila ang teleserye nilang Ina, Kapatid, Anak.
Ito ay matapos aminin ni Maja na nakikipagdate niya sa ex-boyfriend ni Kim na si Gerald Anderson. Sa ngayon, ang binatang aktor ay boyfriend ni Maja.