Nai-announce na ng Film Academy of the Philippines (FAP) ang seven-member special committee na binuo para sa pagpili kung anong pelikula ang ipapadala bilang official Philippine entry para sa Best Foreign Language Film category ng 87th Academy Awards or the Oscars.
Ang special committee ay binubuo nina: film and TV actor Robert Arevalo; actress-director Laurice Guillen; actor-director Jun Urbano; film director William Mayo; director-writer Joe Carreon; actress-director Gina Alajar; at film editor Jess Navarro.
Bubuo muna ang special committee ng shortlist mula sa mga local films na pinalabas mula October 1, 2013 hanggang September 30, 2014.
Mga pelikulang naipalabas within that time frame ang eligible to qualify para sa naturang shortlist.
Ang dalawang pelikula na posibleng pumasok sa shortlist ay ang pelikula ni Lav Diaz na Norte, Hangganan ng Kasaysayan at Barber’s Tales (Mga Kuwentong Barbero) ni Jun Lana.
May September playdates naman ang dalawang pelikula na puwedeng ring pumasok sa shortlist. Ito ay ang Dementia ni Perci Intalan at Mula sa Kung Ano Ang Noon ni Lav Diaz.
(Read:Which movie will be chosen as PH entry to the Oscars Best Foreign Language Film category?)