Nominado sa Best International Film category ng 30th Film Independent Spirit Awards ang Norte, Hangganan ng Kasaysayan, ang pelikula ni Lav Diaz na official entry ng Pilipinas sa Best Foreign Language Film category ng 87thAnnual Academy Awards o Oscars.
Ikinatuwa ng maraming Pinoy ang nomination sa Film Independent Spirit Awards ng pelikula ni Lav dahil nabuhayan sila ng pag-asa na malaki ang tsansa na makapasok sa Best Foreign Language Film race ng 2015 Oscar Awards ang Norte, Hangganan ng Kasaysayan, na may English title na Norte, The End of History.
Ang Norte ang nag-iisang Asian movie na nominated sa Best International Film category ng 30th Film Independent Spirit Awards.
Co-nominees ng pelikula ni Lav ang Force Majeure (Sweden), Director: Ruben Östlund; Ida (Poland) Director: Pawel Pawlikowski; Leviathan (Russia) Director: Andrey Zvyagintsev; Mommy (Canada) Director: Xavier Dolan; at Under the Skin (United Kingdom) Director: Jonathan Glazer.
Sa February 21, 2015 ang awarding ceremony ng 30th Film Independent Spirit Awards sa Los Angeles, California.