Malaki ang pasasalamat ng aktres na si Angel Aquino sa positibong pagtanggap ng publiko matapos niyang umamin kamakailan tungkol sa kanyang sexual orientation.
Ayon kay Angel, maging siya ay nagulat sa naging reaksiyon sa aniya’y hindi planadong coming out nang sabihin niya sa isang panayam noong October 2025 na, “I like girls.”
"Ako rin nabigla ako. Kasi hindi ko naman siya pinlano. It wasn’t something, like, ‘I’m coming out today,'" pahayag ni Angel sa panayam niya kay Nathalie Tomada ng The Philippine STAR nitong Martes, April 14, 2026.
Read: Angel Aquino on beauty, aging, authenticity...what 52 looks like
Paliwanag pa ni Angel, hindi niya kailanman itinago ang katotohanan; inakala lamang daw niyang matagal na itong alam ng mga tao dahil sa kung paano siya nakikita ng publiko.
Saad ng aktres: “I feel it’s something that people have known for a very long time, and we just don’t openly talk about it.
"They’ve seen me with people I’ve been with, and hindi ko naman siya tinago ever."
Bukod sa kanyang fans na buong pusong tinanggap ang kanyang sekswalidad, malaki rin ang pasasalamat ni Angel sa mga miyembro ng press na hinayaan daw siyang magsalita sa oras na handa na siya itong pag-usapan.
Aniya: “But thankfully, the press people have been kind not to pick on that, di ba? And then they waited for me to, I guess, say something about it.
“I’m so thankful, all those years… I mean, I was just being myself. I love people I fell in love with, hindi ako namili.
“But the press did not give me a hard time, didn’t pry, hindi nila ako pinilit na, ‘O ano balita namin you’re dating, ganyan, you’re dating Direk, Malu.’
“And then they waited for me to, I guess, say something about it. And when I did, thank you din for the kind response."
Diin ni Angel, "I’m really grateful about that. I really appreciate the kindness that was offered."
Read: KC Concepcion opens up about realities of blended family life
Ang tinutukoy niyang “Direk Malu” ay si Malu Sevilla, isa sa mga direktor ng FPJ's Batang Quiapo, kung saan naging bahagi rin noon ng cast ang aktres.
Matagal nang usap-usapan ang umano’y espesyal na relasyon nina Angel at Direk Malu dahil sa madalas nilang pagsasama sa ilang public at private events.
ANGEL AQUINO ADMITS SHE LIKES GIRLS
Noong October 8, 2025, sa panayam ng programang The Daily Dish ng Bilyonaryo Channel kay Angel, nangyari ang pag-aminin ng aktres na nagkakagusto siya sa "girls."
Read: Angel Aquino on what people don't know about her: "I like girls."
Sa interview ng mga host na sina Mai Rodriguez, Ferdi Salvador, at Monique Tuzon, naitanong sa aktres kung ano ang isang bagay na hindi pa alam ng tao sa kanya.
Tugon dito ni Angel, "Oh, I don't know. My life is an open book... I like girls. There.
"Oh, well, a lot of people are in denial. Sila talaga yung in denial."
May pahabol namang paglilinaw si Angel ukol dito.
Aniya: "Wait, wait, wait... Can I just correct that 'coz I said I like girls.
"You know, that might sound... especially with social media now, that might sound weird.
"I'm saying, I fall, kaya I fall in love with ano, also with, you know, girls and women.
"They might think, you know, it can sound weird kasi if you just take it as is, 'I like girls."
Ikinagulat ng marami ang matapang at diretsahang pag-amin na ito ni Angel lalo na't kilala siyang may dalawang anak—sina Iana at Thea—sa dati niyang partner na si Ian Bernardez.
Read: Angel Aquino so proud to see daughter with hydrocephalus finish college