Naging madali para kay Andrea Brillantes na mapapayag ang boyfriend na si Ricci Rivero na maging escort niya sa gaganaping first-ever Star Magical Prom sa March 30, 2023.
Habang nanonood ang magkasintahan ng Born Pink concert ng K-pop girl group na Blackpink ngayong March 26, 2023, sa Philippine Arena, napansin ng grupo ang hawak na “promposal” placard ni Andrea, na nakapuwesto malapit sa stage.
Binasa nina Rosé at Lisa ang nakasulat sa placard: “I just wanna ask Ricci Rivero, will you go to prom with Andrea?”
Itinanong din ng grupo kung nasaan ang boyfriend ni Andrea.
Nang lumantad si Ricci, sabi ni Rosé sa kanya, “Please go to prom with that girl.”
Todo naman ang ngiti ni Ricci na sumagot ng “Yes!”
Makikita ring hinagkan nito sa noo si Andrea.
Read also: Blackpink concert serves as bonding time for besties, moms and daughters
Umugong ang sigawan ng fans dahil sa ultimate "promposal" ng Kapamilya young actress.
Pagkumpirma ng Blackpink, “He [Ricci] said yes!”
@pepalerts @blackpinkofficial Helps @Andrea Brillantes Pull Off the Ultimate Promposal to @Ricci Paolo Rivero #PEPNews #NewsPH #EntertainmentNewsPH #BORNPINKinManila_BulacanD2 #BORNPINKINMANILA_BULACAN ? original sound - PEP.ph
April 2022 nang isapubliko nina Andrea at Ricci ang kanilang relasyon.
Read also: Gem of a Star: Andrea Brillantes lives up to her name
Kabi-kabila na ngayon ang nagaganap na promposal ng young stars ng ABS-CBN para sa event na tinaguriang “a night of love, friendship and magic.”
Ipakikilala sa Star Magical Prom ang up-and-coming artists ng Kapamilya network.
Mapapanood ito nang online via livestream sa YouTube channel ng Star Magic.