Wagi ang birit duo na sina JM dela Cerna at Marielle Montellano sa pang-apat na season ng Your Face Sounds Familiar.
Nag-uwi sila ng one million pesos.
Ito ang inanunsiyo sa pagtatapos ng singing and impersonation competition show ng Kapamilya network ngayong gabi, April 12, 2026.
Read: HOW MUCH? Coachella experience for Filipinos
Your Face Sounds Familiar Season 4 SCORES
Ang dalawang singer, na kilala rin sa portmanteau na JMielle, ay nakakuha ng 94%, ang pinakamataas na combined total points.
Pumangalawa naman si Alexa Ilacad, na nakakuha ng 93.5%, at pumangatlo si Jason Dy, na merong 86.5%.
Kasama rin sa kompetisyon sina Akira Morishita, Jarlo Bâse, Dia Mate, at Rufa Mae Quinto.
Para sa final performance, pinili ng JMielle ang rendition nina Jennifer Holliday at Jessica Sanchez ng “And I’m Telling You.”
Bongga rin ang impersonations ng ibang contestants.
Naging Beyonce si Jason, habang Shakira naman si Alexa.
Nag-a la Freddie Mercury si Jarlo Base; Rihanna si Dia; Justin Timberlaje si Akira; at Katy Perry si Rufa Mae.
Read: Dustin Yu settles the real score with Bianca de Vera
JMIELLE'S WINNING ROUNDS
Tatlong beses nakakuha ng first place ang JMielle sa 12 rounds ng show.
Nanalo sila sa Round 1 nang i-impersonate nila sina Andrea Bocelli at Celine Dion sa pagkanta ng "The Prayer."
Nanguna uli sila noong Round 5 nang gayahin nila sina Ariana Grande at Cynthia Erivo sa pagpe-perform ng "Defying Gravity," na kanta mula sa musical/movie na Wicked.
Noong Round 7 naman ay nagtagumpay sila sa pag-impersonate kina Justin Bieber at Nicki Minaj sa performance ng "Beauty and a Beat."
Ang JMielle ang pang-apat na winners ng Your Face Sounds Familiar sa ABS-CBN.
Past grand winners sina Melai Cantiveros, Denise Laurel, at Klarisse de Guzman.
Sa Kids Editions, wagi si Awra Biguela at ang TNT Boys na kinabibilangan nina Mackie Empuerto, Keifer Sanchez, at Francis Concepcion.
Kasama sa jury panel this season sina Ogie Alcasid, Erik Santos, Nyoy Volante, Klarisse de Guzman, Karla Estrada,at Gary Valenciano.
Samantala, grand champions din ang JMielle sa "Tawag Ng Tanghalan Duets" noong July 1, 2023. Nanalo sina noon ng PHP500,000 at trophy na dinisenyo ni Toym Imao.