Isang "kababayan" ang umaming nakararanas ng pang-aalipusta mula sa kapwa Pilipino dahil sa kanyang pagiging dumpster diver sa Finland.
Ang dumpster diving ay panangalakal ng itinapong bagay sa dumpster na puwede pang magamit, gaya ng pagkain, damit, gamit sa katawan, at iba pa.
Maraming Pinay na naninirahan sa ibang bansa nagda-dumpster diving at ginagawa rin itong content sa pagba-vlog.
Also Read: Pinay dumpster diver sa U.S., PHP75K a month ang tipid sa pagkain mula basurahan
Isa rito si Julie Forsberg Belleza, 36, isang Thai-Finnish, pero pusong Pinoy.
Si Julie ay anak ng isang Thai mother at Finnish father, pero lumaki sa Pilipinas.
Kuwento ni Julie sa interview ng Summit OG, “Dinala po ako sa Pilipinas ng father ko when I was about three years old.
“Diyan po ako nanirahan, diyan po ako lumaki.”
Sa katunayan, kulturang Pinoy na ang nakamulatan ni Julie—hindi Thai at Finnish.
“Kaya in my heart, talagang Pilipinang-Pilipina po ako.”
Kasalukuyang naninirahan sa Finland si Julie, “because I am a natural-born citizen dito sa finland.”
Kasama niya roon ang anak at Pinoy na asawa.
Isa siyang caregiver sa mga persons with disability.
Pero nauna muna siyang nagtrabaho sa Middle East sa loob ng 12 years.
Nang nawalan siya ng trabaho sa Dubai, nagdesisyon silang mag-asawa na pumunta sa Finland.
Masyado raw kasing mahal ang pagpapaaral sa Dubai.
“Where as in Finland, ang education dito is one of the best in the world, and it’s also for free for the citizens.”
HOW JULIE GOT INTO DUMPSTER DIVING
Pagkain ang kinakalkal ni Julie.
“So I basically go to the back of the gates ng supermarkets para doon ko kunin yun mga goods na nahu-haul ko.”
Mismong boss daw niya ang nag-introduce sa dumpster diving.
Sa Finland kasi, well segregated ang mga itinatapong bagay.
Sa minsang pag-uusap, ibinahagi raw ng kanyang amo na ang kasamahan sa trabaho ni Julie ay nangangalkal.
Ani Julie, “Eighty percent ng kanyang food consumables ay sa bins niya kinukuha.”
Julie Folsberg Belleza is a dumpster diver in Finland.
Bagama’t may allowance mula sa gobyerno ang mga nawalan ng trabaho, kailangan pa ring humanap ng ibang mapagkakakitaan ang mga tao roon.
Nagsaliksik si Julie tungkol sa dumpster diving at nadiskubre niyang walang batas na nagbabawal sa dumpster diving.
“It says there you dive at your own risk,” ani Julie.
“Dito po kasi sa Finland, mataas po kasi ang standard nila when it comes to sa groceries and the supermarkets.
“Kaya marami po talaga silang tinatapon that are nearly expired. Kahit may konting damage lang siya.”
DISCRIMINATION FROM FELLOW FILIPINOS
Aminado si Julie na malaking tulong ang pagiging dumpster diver niya sa pang-araw-araw na buhay ng kanyang pamilya sa Finland.
“Through dumpster diving, I’ve realized na we are very lucky dahil meron kaming napagkukunan dito, while there are some parts in the world na maraming batang nagugutom,” ani Julie.
“Kahit nagda-dumpster diving kami, it’s still a blessing na meron kaming nakukuha.”
Pero may panlalait at panghuhusga raw siyang natatanggap, lalo na sa mga “kapwa Pilipino.”
“One of the comments na natatanggap ko is, nakakahiya daw po kami.
“Ibinababa daw po namin yung aming mga pagka-Pilipino kaya daw po ang liit ng tingin ng mga ibang lahi sa mga Pilipino.
“Dahil daw po sa pinapakita at ginagawa namin.”
Nirerespeto ni Julie ang opinyon ng iba, pero nananawagan siya na lawakan ang pag-iisip.
“I really respect your opinion, but hopefully, you open up your mind also and see the world in a bigger picture.
“There are a lot of countries who are suffering with food supplies.
“Let’s be more understanding sa ating kapwa and let’s not judge by what we see.
“For sure there is a deeper meaning, there’s is a deeper reason why people do what they do.”
Para kay Julie, itinataas niya ang lahing Pilipino sa kanyang ginagawa.
Katwiran niya, “Nagpapatunay lang kami kahit gaano kahirap ang buhay, lumalaban kami. Wala kaming nasasagasaang ibang tao.”
TREASURES IN DUMPSTERS
Nagbahagi rin si Julie ng karanasan niyang bilang dumpster diver.
Ang dumpster diving niya ay ginagawa niyang content sa kanyang YouTube channel—Thai-Finnish Pero Pusong Pinoy.
“Alam ko na kung anong bins yung pupuntahan ko.Yung kulay brown lang talaga ang pupuntahan ko, kasi para yun sa mga bio-wastes.
“Doon ko makukuha yung lahat ng items na tinatapon ng supermarket na mapapakinabahan ko pa.
“Nakakakuha kami ng trays of eggs, nakakakuha kami ng packs of meat.
“Marami kaming nakukuha na mga pasta, mga pizza, salmon, mga de-lata…
Nakukuha natin yung boxes of wine, beer.
“Kung ano po yung nakikita natin sa supermarket, nakukuha namin.
“Nakakakuha po kami ng spareribs.”
Julie hunts for food in dumpsters in Finland. Of course, she makes sure these finds are cleaned properly before eating them.
Paglilinaw ni Julie, hindi sila takot na magkasakit dahil tinitiyak nilang malinis ang kanilang kinakain.
“Yung mga kinukuha namin they are well sealed and packed pa po… hindi po siya open na kinukuha lang namin sa basurahan.
“From the dumpster, straight talaga dito sa kusina ko. Kini-cleanse namin siya. We do some sanitation.
“Like, fruit and vegetable, sino-soak muna namin siya sa water and baking soda para mamatay yung bacteria.
“Para sa mga meat na hindi siya naka-pack na nakukuha namin, pinapakuluan namin siya with salt and vinegar.”