Pinusuan ng maraming netizens ang pagkikita at pagsasama nina Vice Ganda at Paolo Ballesteros sa isang event.
Sina Vice at Paolo ay mula sa rival TV networks at magkatapat ang kanilang noontime shows.
Si Vice ay main host ng It’s Showtime ng ABS-CBN, habang si Paolo ay co-host ng GMA-7 noontime show Eat Bulaga.
Noong December 2021, isang gathering ang inorganisa ni Vice para sa mga social media stars and celebrities na members ng LGBTQIA community, partikular ang gays at transgenders.
Pero nito lamang Linggo, January 23, 2022, ipinost ang video sa YouTube channel ni Vice.
Ani Vice, nais niyang magkaroon ng getting-to-know ang mga katulad nila at simulan ang isang community.
Isa sa mga imbitado sa nasabing event ay si Paolo.
Sa kanyang Instagram nitong Linggo, nag-post si Paolo ng mga larawan niya kasama si Vice at iba pa, gaya nina Kaladkaren at Jiggly Caliente.
Caption ng Eat Bulaga host: “Ayun ang mga vukluh!”
Pinasalamatan din ni Paolo si Vice.
Sumagot sa comments section si Vice at niyaya si Paolo na mag-bonding sila.
Ani Vice: “Awra soonest!!!!! Yabyu! [three red hearts]
Sumagot si Paolo at pumayag sa imbitasyon ni Vice.
“Labya,” sagot pa ng Kapuso host kay Vice.
Ngayong Lunes, January 24, si Vice ang nag-post ng larawang kuha nila ni Paolo sa party, at naka-tag pa ang Eat Bulaga! host dito.
NETIZENS GET EXCITED FOR VICE AND PAOLO
Samantala, hindi magkamayaw ang supporters ng dalawa.
Anila, labis silang natuwa na makita sina Vice at Paolo na magkasama sa isang event.
Komento ng isa, “MY 2 FAVES IN ONE FRAME.”
“Ang saya makita ang ganito,” sundot ng isa.
“Eat Showtime,” joke naman ng iba na pinagsama ang Eat Bulaga at It’s Showtime.
Hangad ng ibang magkaroon ng collaboration ang dalawa.
Umaasa naman ang iba pang magsama sina Vice at Paolo sa isang pelikula.
