Bong Revilla, pansamantalang nakalaya nung bisperas ng Pasko

Dec 25, 2017

GORGY RULA: Hindi napigilan ni dating Senator Bong Revilla na maluha nang sinalubong siya ng mga taga-Cavite pagdating niya sa kanilang tahanan kahapon ng tanghali, December 24.

Medyo may kahigpitan ang security police niya na nag-escort sa kanya kahapon.

Bawal humawak ng cellphone o kahit anong gadgets si Sen. Bong.

May ilang nagpa-picture na ipinost sa kanilang social media account, pero bandang huli ay binawalan na silang mag-post.

Pagabi na nang dumating ang ama ni Bong na si dating Senator Ramon Revilla Sr. at pareho naging emotional ang mag-ama nang magkita sila.

Espesyal daw sa kanila at sa buong pamilya itong pagdiriwang ng kanilang Pasko dahil sa labas ito ng Camp Crame.

Nagpasalamat si Sen. Bong sa Sandiganbayan na pinayagan siyang magdiwang ng bisperas ng Pasko sa kanilang tahanan.

Bago mag-alas nuwebe ng gabi ay bumalik na ang dating senador sa Camp Crame.


Continue reading below ↓

NOEL FERRER: Ganun lang pala talaga yun, hanggang bisperas lang ng Pasko?

Lesson yun lahat sa atin na dapat pahalagahan natin ang ating kalayaan at i enjoy ang simple joys tulad ng tunay na pagmamahal at pagmamalasakit ng pamilya at mga kaibigan.

Sana dumating ang panahon na nakasama natin muli at maging aktibo na naman si Senator Bong sa showbiz.

I’m sure nami-miss din niya ang MMFF dahil lagi siyang sumasali noon.

JERRY OLEA: For sure, makakapiling pa rin ni Sen. Bong ang mga mahal niya sa buhay ngayong Pasko sa Crame.

Hindi umasa si Sen. Bong na mapagbigyan siya ng furlough dahil ayaw niyang ma-disappoint.
Kaya nagpasalamat siya at pansamantala siyang nakalaya.

Iba ang Malayang Pasko!

Read Next
Read More Stories About
Bong Revilla
Featured
Latest Stories
Trending in Summit Media Network

Featured Searches:

Read the Story →
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results