By JOJO GABINETE
Viral ang old film clip ng 2001 movie na Baliktaran na pinagbidahan nina Rufa Mae Quinto at Bayani Agbayani.
Ito dahil sa eksena ni Aling Vicky, ang babaeng nakalimot na hindi pala siya si Aling Vicky na may anak na nahulog sa imburnal.
#NasaanSiAlingVicky ang hashtag ng short film clip na naghahatid ng saya sa mga nakapanood na natatawa pa rin kahit paulit-ulit nilang pinapanood ang eksena.
Si Hermie Go ang gumanap na Aling Vicky.
Hindi siya bitplayer dahil veteran associate producer siya ng mga pelikula ng Viva Films.
Hindi si Aling Vicky ang first and last wacky character ni Hermie.
Siya ang gumanap na foul-mouthed lola na nagbibigay ng mga hilarious advice na ginamit sa promo ng Camp Sawi noong 2016.
Siya rin ang manghuhula sa 2017 movie na Luck at First Sight.
Si Hermie ang associate producer ng Philippine adaptation ng blockbuster Korean movie na Miss Granny na pinagbibidahan ni Sarah Geronimo.
Hermie Go with Sarah Geronimo