Ang pagkakaroon ng "toyo" ni Senator Nancy Binay ang isa sa mga nakapagpangiti sa mga Pilipino na nalulungkot dahil sa malakas na lindol na nangyari sa Luzon noong April 22, Lunes.
Ang lindol na ito ay kumitil ng mga buhay sa ilang mga kababayan natin sa Pampanga, at sumira sa iba’t ibang mga gusali at kalsada.
Ang "toyo" ni Senator Nancy Binay ang ipinamigay sa mga residente sa isang bayan ng Bataan noong Easter Sunday.
Inihahalintulad ng kampo ni Nancy ang kulay ng balat nito sa dark color ng toyo na ginagamit nila na campaign material sa panunuyo at pagkuha ng atensyon ng mga bontante.
EARTHQUAKE IN SAMAR
Hindi pa nakaka-recover ang mga Pilipino mula sa lindol noong Lunes, kaya muling nadagdagan ang kanilang lungkot dahil sa Magnitude 6.5 earthquake na naranasan ng ating mga kababayan sa Eastern Samar kinabukasan, April 23.
Nangyari ang malakas na lindol sa Eastern Samar habang nagaganap ang grand presscon ng Kuwaresma sa Valencia Events Place sa Quezon City.
Ang Kuwaresma ang unang horror movie ni Sharon Cuneta na produksiyon ng Reality Entertainment, Inc. at sa direksyon ni Erik Matti.
Sa It’s Showtime ng ABS-CBN, hiniling ni Vice Ganda na mag-alay ng dasal ang kanyang mga co-host at ang audience para sa mga naapektuhan ng lindol sa Eastern Samar.
THE LAPIDS IN PORAC, PAMPANGA
Sa Porac, Pampanga, pinangunahan ng mag-amang Lito at Mark Lapid ang pagtulong sa kanilang mga kababayan.
Ang Porac ang isa sa mga nasalanta nang husto ng lindol na yumanig sa Central Luzon nitong Lunes.
Parehong kumakandidato sina Lito (senator) at Mark (for Mayor of Porac) sa mid-term polls sa May 13, 2019, at walang bahid-pulitika ang pagtulong nila sa earthquake victims dahil dati nang tumutulong ang dalawa sa mga nangangailangan.
Nabigyan lang ng kahulugan ang pagkakawanggawa ng mag-ama dahil sa television camera na nakatutok sa kanila.
FRANCINE PRIETO
Unforgettable kay Francine Prieto ang lindol sa Luzon dahil nakatira sila ng kanyang asawa na si Frank Shotkoski sa 28th floor ng isang condominium building sa Taguig City.
Inabutan ng lindol sa loob ng elevator ang American husband ni Francine na bumaba at lumabas ng building para ibili siya ng mga gagamitin niya sa kanyang pagluluto.
“Sabi niya para daw siyang nasa vertical bump car, tuloy-tuloy lang na umaakyat ang elevator papuntang 28th floor, tapos bumabangga daw ‘yung elevator sa gilid, twice din daw nag-jerk,” kwento ng aktres tungkol sa earthquake experience ng kanyang asawa.
“Inutusan ko kasi siya na bumili ng kanin, soft drinks, at ice cream, nagluluto kasi ako.”